Қозоғистонда болаларни эрта ривожлантиришнинг янги усули ишга туширилди

None
ASTANA. Kazinform - Болалар боғчасида 3-4 ёшли болаларни дарс эмас, балки ўйин орқали ривожлантириш усули жорий этилади. Бу ҳақда ҚР Таълим вазири Ғани Бейсембаев маълум қилди, дея хабар беради Kazinform мухбири.
«Узлуксиз таълимнинг энг муҳим даражаси - бу болалар боғчасида таълим ва тарбия. Тадқиқотларга кўра, болалар боғчалари боланинг интеллектуал, ижтимоий, ҳиссий ва физиологик ривожланишига катта таъсир кўрсатади. Шунинг учун ҳам болаларни эрта ривожлантиришнинг янги модели жорий этилди»

, - деди Ғани Бейсембаев вазирликнинг кенгайтирилган йиғилишида.

Вазирнинг сўзларига кўра, янги моделни жорий этиш мақсадида ўқув дастури, режа ва ўқитиш услублари қайта кўриб чиқилди.

«Бугунга қадар дастур академик жиҳатдан жуда мураккаб эди, 3-4 ёшли болаларни ўтирғизиб, 20 дақиқа дарс берарди, энди халқаро тажриба ҳисобга олинди, таълим ва тарбия болаларнинг ёш хусусиятларига кўра боғчадан бошланади. Ўйин - боланинг руҳи ва танасига мос келадиган табиий фаолиятдир. Бола шу орқали атрофдаги дунёни ўрганади, у билан танишади ва керакли кўникмаларни ривожлантиради»

, – дейди у.

Шунингдек, вазир боланинг ҳар томонлама ривожланиши учун ҳамма нарсани қилиш кераклигини айтди.

«Янги моделдаги позиция болаларни коммуникатив, ўзига ишонган, чидамли, соғлом, очиқ ва ижодий фикрлашга йўналтиради. Шу билан бирга, боғчаданоқ меҳнатсеварлик, билим олишга интилиш қадриятларини сингдириш ҳам кўзда тутилган»

, – дейди Г.Бейсембаев.

Муаллиф: Даулет Изтилеу


Сўнгги хабарлар