Қозоғистонда автомактабларда ўқиш нархи қанча
ASTANА. Кazinform – Автомактабларда ўқув жараёнида фақат йўл ҳаракати қоидалари бўйича назарий билимлар эмас, балки ҳайдовчилик кўникмалари ҳам ўргатилади, деб хабар беради Кazinform.
Нархларни тўғри таққослаш учун биз оғирлиги 3,5 тоннагача бўлган енгил автомашинани бошқариш учун "В" тоифали лицензия учун ўқиш тўловини аниқладик. Шаҳарларда ўқиш муддати — 2-3 ой. Бир ойдан сўнг ўқувчилар инструктор кўмагида шаҳарда ёки автодромда машина ҳайдашлари мумкин бўлади. Таълим нархини таққослаш курс ва ўқитувчи билан 18 соатлик ҳайдашга асосланган.
Энг қиммат курс Алмати шаҳрида. У ерда енгил автомобиль учун ҳайдовчилик курси 70 000 тенгедан бошланиб, 150 000 тенгегача боради. Курснинг ўртача нархи — 110 000 тенге. Инструктор билан бир соат машина ҳайдаш нархи — 10 000 тенге. Агар 18 соатнинг нархини қўшсак, 180 000 тенге бўлади. Курс ва ҳайдовчилик дарслари биргаликда 290 000 тенге туради.
Ақтауда нарх 38 000 тенгега арзон. Аммо "В" тоифаси сертификатини олиш учун курснинг тўлиқ нархи ҳали ҳам 252 000 тенгени ташкил қилади. Шундан 90 000 тенге ўқиш учун, 162 000 тенге (инструктор билан 1 соат машина ҳайдаш нархи — 9 000 тенге) автомобилни бошқариш учун.
Астана шаҳрида танлов жуда кўп. Айрим автомактабларда курс — 60 000 тенге, бошқаларида эса 120 000 тенге туради. Автомактабларда машина ҳайдашни ўрганиш нархи 6000 тенгедан бошланади ва 10000 тенгегача боради. Шаҳарда ўртача ўқиш тўлови — 80 000 тенге. Шу билан бирга, инструктор билан машина ҳайдаш соатига 8000 тенгега тушади. Демак, 18 соатлик машғулот — 144 000 тенге. Тўлиқ курс нархи — 224 000 тенге.
Қонаев шаҳрида нарх бироз пастроқ. Курснинг умумий нархи — 215 000 тенге. Шундан 80 000 тенге таълимга, 135 000 тенге машина ҳайдашга (соатига 7 500 тенге) сарфланади. Атирау шаҳрида нархлар сезиларли даражада паст. У ерда курснинг умумий нархи — 199 000 тенге. Шундан 55 000 тенге курсга сарфланади. Инструктор билан машина ҳайдаш учун эса соатига 8000 тенге тўлаш керак бўлади.
Талдиқорған ва Чимкентда курс нархи — 60 000 тенге. Аммо Талдиқорғанда машина ҳайдашни ўрганиш учун 126 000 тенге (соатига 7 000 тенге) тўлаш керак бўлади. Чимкентда унинг нархи 108 000 тенгега (соатига 6 000 тенге) баҳоланган. Орал шаҳрида 2,5 ойлик курс учун 70 минг тенге, ҳайдовчилик дарслари учун соатига 6 минг тенге тўлайди.
Кўкшетау шаҳридаги автомактабларда ўқиш нархи юқори. У ерда — 75 000 тенге, лекин амалий машғулотлар нархи пастроқ. Агар соатига 5 000 тенге бўлса, тўлиқ курс — 165 000 тенге.
Қизилўрда ва Таразда курс нархи — 50 000 тенге. Инструктор билан машина ҳайдашни ўрганиш учун 5000 тенге тўлашади. Тўлиқ курс - 140 000 тенге.
Жезқазған ва Қарағандида назарий билим ва йўл ҳаракати қоидаларини ўрганиш мос равишда 40 000 ва 35 000 тенгега тушади. Машина ҳайдашни ўрганиш эса соатига 5500 тенге туради (18 соатлик машғулот нархи — 99 000 тенге).
Нархлар Ўскемен (137 минг тенге) ва Қостанайда (126 минг тенге) ўхшашроқ. Ўқиш тўлови ўртача 45-47,5 минг тенгени ташкил қилади. Қостанайда машина ҳайдашни ўрганиш эса 500 тенгега арзонроқ (бирида 4500, иккинчисида 5000 тенге.
Петропавл ва Туркистонда нархлар ўртачадан паст. Жанубда 50 000 тенге бўлса, шимолда — 60 000 тенге. Ҳайдовчиликни ўрганиш учун эса шаҳар аҳолиси соатига 4000 тенге (18 соатга 72 минг тенге) тўлайди.
Тўлиқ курслар учун нархлар энг паст бўлган учта шаҳар орасида Павлодар бор. У ерда инструктор билан машинани ҳайдаш учун соатига 2500 тенге тўлайди. Фақат назарий курснинг нархи Астанадаги билан бир хил, яъни 80 000 тенге. Бироқ, курснинг ўртача нархи — 125 000 тенге.
Ақтўбе шаҳрида назария ва амалиёт нархи тахминан бир хил. Бири — 60 000 тенге, иккинчиси — 63 000 тенге (у ерда машина ҳайдаш — 3 500 тенге).
Мамлакатдаги энг паст нархлар фақат Семейда таклиф этилади. У ерда курснинг назарий қисми — 40 000 тенге, ҳайдовчилик дарси эса соатига 4 000 тенге (жами 72 000 тенге) туради. Кейин тўлиқ курс нархи — 112 000 тенге.
Эслатиб ўтамиз, аввалроқ Қозоғистондаги репетиторлик хизмати нархи ҳақида ёзган эдик.
