Қозоғистон зудлик билан Туркияга қутқарувчилар ва шифокорларни жўнатади
Президент Қасим-Жомарт Тоқаев телефон орқали мулоқот чоғида Туркиянинг бир қанча вилоятларида содир бўлган вайронагарчиликли зилзила муносабати билан Режеп Таййип Эрдоғанга ҳамдардлик билдирди.
Давлат раҳбари Қозоғистон Туркиянинг жабрланган ҳудудларида қидирув-қутқарув ишларига ёрдам бериш учун зудлик билан қутқарувчилар ва шифокорларни юборишини, қардош мамлакатга гуманитар ёрдам кўрсатишга тайёрлигини билдирди.
Эслатиб ўтамиз, бугун Туркияда зилзила оқибатида ҳалок бўлганлар сони мингдан ошди, камида 7 минг киши жароҳат олди.
Давлат раҳбари Қасим-Жомарт Тоқаев Туркия Президенти Режеп Таййип Эрдоғанга ҳамдардлик билдирди ва Ҳукуматга Туркияга зудлик билан ёрдам кўрсатишни буюрди.
Ташқи ишлар вазирлиги маълумотларига кўра, Қозоғистон фуқаролари жабрлангани ҳақида маълумот келиб тушмаган.
Фото: аkorda.kz
