Қозоғистон теннисчилари Индиан-Уэллс турнирни ғалаба билан бошлади

ASTANA. Kazinform — Қозоғистонлик теннисчилар АҚШда Индиан-Уэллс турнирини муваффақиятли бошлади.

Дунёнинг 51-ракеткаси Александр Шевченко Индиан-Уэллс мастерс мусобақасининг биринчи даврасида рейтингда ундан икки поғона юқори бўлган германиялик Доминик Кепферга рақиблик қилди.

Биринчи ўйинда Шевченко 6:3 ҳисобида ғалаба қозонган бўлса, иккинчисида 1:6 ҳисобида мағлуб бўлди. Бироқ ҳал қилувчи, учинчи сетда тай-брейкда ғалаба қозонди - 7:6 (7:3).

Икки соатдан ортиқ давом этган шиддатли беллашувда Александр 7 та эйс амалга оширди ва 10 та брейк-пойнтдан 3 тасини қайд этди. Д.Кепфер 7 та эйс, 4 та брейк (11 та брейк-пойнт) билан ажралиб турди.

Александр Шевченко иккинчи даврада дунёнинг 22-ракеткаси, аргентиналик Франсиско Черундоло билан куч синашади.

Аёллар ўртасида Индиан-Уэллс WТА 1000 турнирида дунё рейтингида 79-ўринни эгаллаб турган Юлия Путинцева ҳам муваффақиятли иштирок этди. У рейтингда 76-ўринни эгаллаб турган германиялик Тамара Корпачни икки сетда мағлуб этди - 6:2, 6:3. Бир ярим соатдан кўпроқ давом этган ўйинда Юлия 1 та эйс билан бирга 8 та брейк-пойнтдан 5 тасини ишлатди. Т.Корпач 1 та эйс, 1 та брейк билан чекланди.

Юлия Путинцеванинг навбатдаги рақиби дунёнинг 16-ракеткаси, россиялик Екатерина Александрова.