Қозоғистон 2025 йилда Грузияга 80 минг тонна буғдой экспорт қилади
ASTANA. Kazinform - Қозоғистон 2025 йилда Грузияга 80 минг тонна буғдой экспорт қилади. Бу ҳақда ҚР Қишлоқ хўжалиги вазири Айдарбек Сапаров маълум қилди.
“Грузия давлати билан ҳамкорликни бошладик. 2023 йилда биз у давлатга буғдой ёки гўшт экспорт қилмадик. 2024 йилда улар билан муносабатларни яхшиладик, буғдой ва мол гўшти экспорт қилдик. Ўтган йил якунларига кўра, 71 миллион долларлик экспорт амалга оширилган. Бу йил буғдой ва гўшт экспорти бўйича ишлар давом этади”, - деди вазир Қозоғистон ва Грузия Ҳукумат раҳбарларининг музокараларидан сўнг ОАВ вакилларига.
ҚР ҚХВ раҳбарининг айтишича, бу йил буғдой нархи ўтган йилга нисбатан арзон. Шунинг учун иккала муҳитда ҳам логистика субсидияланади.
“Жорий йилда Грузияга 80 минг тонна буғдой экспорт қилишга келишиб олдик. Уларнинг йиллик истеъмоли 80-100 минг тоннани ташкил қилади. Гўшт масаласига келсак, улардан қанча талаб бўлса, шунча гўшт етказиб беришга тайёрмиз”, - деди Айдарбек Сапаров.
Эслатиб ўтамиз, аввалроқ Грузия инвесторлари Қозоғистонга 400 млн доллар сармоя киритгани ҳақида ёзган эдик.
