Кейинги Рим Папаси ким бўлиши мумкин

VATICAN. Kazinform — Рим Папаси Франциск 21 апрель куни 88 ёшида пневмониядан вафот этди. Католик черковининг кейинги раҳбари ким бўлиши мумкин ва у қандай сайланади? Бу ҳақда Кazinform мухбири томонидан махсус материал тайёрланди.

Асосий номзодлар кимлар?

Католик черковининг янги раҳбари бўлиш учун бир нечта номзодлар бор:

• Пьетро Паролин (70 ёш, Италия) — Ватиканнинг Давлат котиби, мўътадил сиёсий арбоб, Рим Папаси Францискнинг вориси сифатида кўрилади.
• Фридолин Амбонго Бесунгу (65 ёш, Конго Демократик Республикаси) — Африка ва Мадагаскар Епископ конференциялари симпозиумининг раиси, консерватив қарашлари билан машҳур.
• Вим Эйк (71 ёш, Нидерландия) — собиқ шифокор ва Рим Папаси Францискнинг қатор ислоҳотларига қарши чиққан содиқ консерватор.
• Петер Эрдо (72 ёш, Венгрия) — ажрашган ва қайта турмуш қурганларнинг мулоқотда иштирок этишига қарши чиққан консерватив кардинал.
• Луис Антонио Тагле (67 ёш, Филиппин) — ЛГБТ ва ажрашган католикларнинг черковга киритилишини қўллаб-қувватловчи прогрессив дунёқарашга эга.
• Рэймонд Бёрк (76 ёш, АҚШ) — ультраконсерватор, Папа Франциск ислоҳотларини очиқ танқид қилган.
• Марио Грек (67 ёш, Мальта) — мўътадил номзод, черков таълимотида инклюзивликни таъкидлайди.
• Маттео Мария Зуппи (69 ёш, Италия) — Болонья архиепископи ва Папа Францискнинг Ватикандаги асосий иттифоқчиларидан бири.

Айтиш жоизки, ҳозирги овоз берувчи кардиналларнинг аксариятини Рим Папаси Френциснинг ўзи тайинлаган. Бу унинг йўлини давом эттирадиган ворисни танлашга ҳисса қўшиши мумкин.

Католик черковининг раҳбари қандай сайланади?

Рим Папасини сайлаш қадимги анъаналарга амал қиладиган мураккаб жараёндир. У конклав деб аталади, бу "ёпиқ йиғилиш" деган маънони англатади. У қуйидаги босқичлардан иборат:

• Папанинг ўлими ёки тахтдан воз кечиши

Понтифик вафот этганида ёки истеъфога чиққанида (масалан, 2013 йилда Бенедикт ХVI), “Sede Vacante” даври, яъни "тахтнинг бўш қолиши" - бошланади.

• Кардиналларни йиғиш

Ватиканга 200 га яқин кардинал таклиф қилинади. Аммо 80 ёшдан катта бўлмаганлар (одатда 120 киши атрофида) овоз бериш ҳуқуқига эга.

• Сикстин капелласидаги конклав

Кардиналлар Сикстин капелласига кириб, сайловда қатнашишга ва махфийликни сақлашга қасамёд қиладилар. Капеллани ҳеч ким тарк эта олмайди ва ташқаридан алоқа қилиш тақиқланади.

• Овоз бериш жараёни

Ҳар бир кардинал қоғозга номзоднинг исмини ёзиб, овоз беради. Номзод сайланиш учун овозларнинг 2/3 қисмини олиши керак. Агар натижа ноаниқ бўлса, сайлов бюллетенлари махсус кимёвий - қора тутун билан ёқиб юборилади, бу эса янги Папа ҳали сайланмаганлигини билдиради. Янги Папа сайланганда тутун оқ бўлади.

• Папанинг исмини ва биринчи сўзини танлаш

Сайланган кардиналга: "Сиз бу сайловни қабул қиласизми?" — деб сўрайди. Агар у рози бўлса, Папа исм танлайди (масалан, Франциск, Бенедикт, Жон, Пол). Кейин у Авлиё Пётр собори балконига чиқди ва «Habemus Papam!» - "Бизда янги Папа бор!" – деб эълон қилиш бошланади. Янги Папа ўз хизматини биринчи марта халққа дуо қилишдан бошлайди.

Эслатиб ўтамиз, 21 апрель куни Рим Папаси Франциск 89 ёшида вафот этди.

19 февраль куни Рим Папаси Францискга икки томолама пневмония ташхиси қўйилди.

Ватикан 24 февраль куни Рим Папаси Францискнинг аҳволи оғир экани ва эрта буйрак етишмовчилиги аниқланганини маълум қилди. 88 ёшли понтифик бошқа асоратлар туфайли оғирлашган пневмония билан курашаётгани айтилди.

Рим Папаси Францискнинг даволовчи шифокорлари унинг Gemelli касалхонасидан якшанба куни чиқарилишини эълон қилишди.

Папа Пасха байрамида омма олдида чиқиш қилди.

Давлат раҳбари Рим Папаси Францискнинг вафоти муносабати билан ҳамдардлик билдирди.