Қатар-2022: Лионел Месси жаҳон чемпионатидаги ўнинчи голини урди

ASTANA. Kazinform – Қатарда бўлиб ўтаётган жаҳон чемпионатида Нидерландия терма жамоасига қарши ўйинда Аргентина терма жамоаси сардори Лионел Месси ўзининг мерганлиги билан ажралиб турди, деб хабар беради Kazinform мухбири.

Биринчи бўлимда Месси Науэл Молинага сермаҳсул узатмани амалга оширган бўлса, иккинчи бўлимда, яъни 73-дақиқада 11 метрлик жарима зарбасини аниқ амалга оширди.

Шу тариқа, жаҳон чемпионатларида 24та ўйин ўтказган 35 ёшли ҳужумчи ўзининг ўнинчи голини киритди. Бу кўрсаткич бўйича Месси Аргентина терма жамоаси тўпурари Габриэл Батистута билан тенглашди. Батитус 12 ўйинда 10 та гол муаллифи бўлган.

Жаҳон чемпионатларида Хельмут Ран (10 ўйин, Германия), Гари Линекер (12, Англия), Теофило Кубильяс (13, Перу), Томас Мюллер (19, Германия) ва Гжегож Лято (20, Польша) ҳам 10 тадан гол уришга муваффақ бўлишди.

Бундан ташқари, Месси жаҳон чемпионатларида еттинчи бор голли узатмани амалга оширди. Бу борада у Диего Марадонадан (8) кейинги иккинчи ўринда туради.

Эслатиб ўтамиз, аввалроқ Бразилия терма жамоаси бош мураббийи лавозими бўшатилгани ҳақида ёзган эдик.

Муаллиф: Ғайсағали Сейтақ