Қасим-Жомарт Тоқаев Владимир Путинни Қозоғистонга таклиф қилди

ASTANА. Кazinform – Президент Қасим-Жомарт Тоқаев Россия Федерацияси Президенти Владимир Путин билан телефон орқали мулоқот қилди.

Давлат раҳбарлари кўп қиррали Қозоғистон-Россия муносабатларининг ҳозирги ҳолати ва ривожланиш истиқболларини дўстона ва ўзаро ишонч доирасида муҳокама қилишди.

Президентлар энг олий даражада эришилган келишувларнинг изчил амалга оширилаётганини таъкидладилар.

Шунингдек, улар маданий-гуманитар алоқаларни чуқурлаштириш бўйича ишларни ижобий баҳоладилар ва қўшма илмий ва таълим ташаббусларини илгари суриш муҳимлигини таъкидладилар.

Қасим-Жомарт Тоқаев Владимир Путинни Қозоғистонга давлат ташрифи билан келишга таклиф қилганини яна бир бор тасдиқлади.

Суҳбат давомида томонлар халқаро ва минтақавий кун тартибидаги масалалар бўйича фикр алмашдилар.

Эслатиб ўтамиз, бугун Президент Қасим-Жомарт Тоқаев сумо курашчиси Ерсин Балтағул билан учрашди.