Қасим-Жомарт Тоқаев пойтахтдаги Ботаника боғига дарахт экди

NUR-SULTAN. Kazinform – Бугун ҚР Президенти Қасим-Жомарт Тоқаев «Биргаликда – тоза Қозоғистон» республика экологик акцияси доирасида Ботаника боғига кўчат ўтқазиш орқали шаҳарни тозалашда иштирок этди, деб хабар беради Kazinform Ақордага таяниб.

Тадбирда Президент Администрацияси раҳбари Мурат Нуртилеу, экология, геология ва табиий ресурслар вазири Серикқали Брекешев, Нур-Султан шаҳар ҳокими Алтай Кўлгинов, экокўнгиллилар, шунингдек, Президент ёшлар кадрлар захираси аъзолари иштирок этди.

Ободонлик чоғида Президент экокўнгиллилар, ёшлар кадрлар захираси аъзолари билан суҳбатлашди. Қасим-Жомарт Тоқаев табиатга, умуман, атроф-муҳитга эҳтиёткорона муносабатда бўлиш муҳимлиги ҳақида гапирди.

Давлат раҳбари Қозоғистон келажакда яшил давлатга айланиши керак, деб ҳисоблайди. «Дарахт - бу муқаддас тушунча. Биз кўчату дарахтларни, табиатни асрашимиз керак», - деди Президент.

«Барчангизга раҳмат. Сиз Қозоғистоннинг келажагисиз. Биз янги Қозоғистонни қуришни мамлакат, миллат, давлат сифатида биргаликда бошлашимиз керак. Тинчлик бўлса, Иккинчи Республикани гуллаб-яшнатамиз. Умуман олганда, келажагимиз яхши, равшан ва ёруғ бўлишига шубҳа қилмайман. Ватанимиз келажаги ёшлар қўлида. Мен сизга ишонаман», - деди Қасим-Жомарт Тоқаев ёшларга.

Кўнгиллилар ва Президент ёшлар кадрлар захираси аъзолари атроф-муҳит масалалари ва ташаббусларини доимий қўллаб-қувватлаб келаётгани учун Давлат раҳбарига миннатдорлик билдирди.

Акция иштирокчилари 15 туп жўка ва 35 туп эман дарахти экишди.