Ҳиндистон ва Покистон чегарасида отишма юз берди

ASTANA. Kazinform – Кеча тунда Покистон армияси Жамму ва Кашмирнинг Паргавал секторида Ҳиндистон билан чегарада ўт очди, деб хабар беради NDTV.

Жамму вилоятининг учта асосий секторида ўт очишни тўхтатиш тартиби бузилган.

Ҳиндистон армияси назорат чизиғи бўйлаб кетма-кет олтинчи кечада сабабсиз ўқ узилгани ҳақида хабар берди.

“Армия расмийларига кўра, улар барча объектларда самарали жавоб қайтарган”, – дея хабар беради Ҳиндистон ОАВ.

22 апрель куни қуролли шахслар Жамму ва Кашмир иттифоқидаги машҳур сайёҳлик шаҳарчаси Паҳалгамда теракт уюштирди. Хаки кийимидаги эркаклар автоматлардан ўқ узиб, 25 Ҳиндистон фуқароси ва 1 Непал фуқаросини ўлдирган. Жиноятчилар воқеа жойидан қочишга муваффақ бўлган.

Кўп одамлар яраланган. Ҳужумни “Қаршилик кўрсатиш майдони” деб номланган гуруҳ ўз зиммасига олди. Бу гуруҳ Покистонда тақиқланган “Лашкар-и-Тойиба” ташкилотига алоқадор. Ушбу воқеадан сўнг Ҳиндистон Покистон билан сув шартномасини тўхтатди ва Янги Деҳлидаги покистонлик маслаҳатчилардан мамлакатни тарк этишни талаб қилди. Покистонликларга берилган визалар ҳам бекор қилинган.

Эслатиб ўтамиз, ҚР Президенти Ҳиндистон Бош вазирига ҳамдардлик билдирди.

БМТ Бош котиби Ҳиндистондаги қуролли ҳужумни кескин қоралади.

Покистон Нью-Деҳлининг теракт ҳақидаги айбловлари асоссиз эканини маълум қилди.