ХАМАС жангарилари Қуддусдаги отишмалар учун масъулиятни ўз зиммасига олди

ХАМАС Қуддусга кираверишдаги автобус бекатидаги отишма учун жавобгарликни ўз зиммасига олди. Отишма натижасида уч киши — бир ёш аёл ва икки кекса одам ҳалок бўлди, деб хабар беради Kazinform агентлиги BBC Newsга таяниб.

Қуддус ғарбидаги Рамот аҳоли пунктида ўт очган икки эркак полиция томонидан отиб ўлдирилди.

“Бу операция ишғолчининг Ғазо секторидаги ва Жениндаги болаларга қарши мисли кўрилмаган жиноятларига табиий жавобимиздир”, – дейилади ХАМАС баёнотида.

Эслатиб ўтамиз, бугун Қуддусга кираверишда содир бўлган отишма натижасида уч киши ҳалок бўлган, камида етти киши жароҳатланган. Номаълум шахслар автобус бекатидаги одамларга машинадан ўқ узган.