Европа ва Қозоғистон ўртасидаги вақт фарқи қисқарди

ASTANА. Кazinform - Бельгия ва бошқа мамлакатлар аҳолиси кеча тунда соатларни бир соат олдинга суришди, деб хабар беради Kazinform агентлиги мухбири.

Марказий Европа вақтидан (CEТ) Марказий Европа ёз вақтига (CEST) ўтиш натижасида ўтган кун (30 март) 24 соат ўрнига бор-йўғи 23 соатни ташкил этади.Бельгияда март ойи охирида ёзги вақтга ўтиш тизими 1977 йилда жорий қилинган. Бу 1974 йилдаги нефть инқирозидан кейин содир бўлган ва унинг асосий мақсади энергияни тежаш эди.

Кўпгина бельгияликлар ёзги вақтни яхши кўрадилар, чунки узоқ вақт давомида кун ёруғ бўлади. Бироқ, ҳар доим соат ўзгаришига қарши бўлганлар бўлган.

Уларнинг айтишича, ёзги вақт энергия сарфини камайтирмайди. Қолаверса, йўловчилар эрталабки тиғиз пайт қоронғуда ишга кетиб, кечқурун жазирамада уйларига қайтадилар. Қарама-қарши томон, шунингдек, ёзги вақт инсон биологик ритмларини бузади, деб ҳисоблайди.

Бироқ, Бельгия ва бошқа Европа Иттифоқи давлатлари ҳукуматлари ёзги вақтга ўтишни тугатиш ҳақида ўйламаяпти.

Соат ўзгарганидан сўнг Брюссель ва Астана ўртасидаги вақт фарқи уч соатгача қисқарди.

Аввалроқ Қозоғистон Ҳукумати вакиллари соатнинг ўзгариши мамлакат энергетика соҳасига жиддий таъсир кўрсатмаганини таъкидлаган эди.

Тоқаев вақт минтақаси бўйича мунозарани тўхтатиш керак эканлиги ҳақида айтган эди.