EURO 2024: Дания ва Англия ўртасидаги ўйинда ғолиб аниқланмади
ASTANА. Кazinform - Футбол бўйича 2024 йилги Европа чемпионатининг еттинчи ўйин кунида С гуруҳида Англия ва Дания терма жамоалари баҳс олиб боришди.
Мухлислар икки жамоа ўртасидаги учрашувни интиқлик билан кутишгани аниқ. Улар орасида жаҳон футболида юқори баҳоланадиган футболчилар кўп. Шу боисдан кўпчилик бу учрашувдан кескин рақобат бўлишини кутганди.
Учрашувнинг 18-дақиқасида англиялик Гарри Кейн гол урди. Шу тариқа, у ўзи иштирок этган ўнта ўйинда бешта гол урди. Натижада у голлар сони бўйича испаниялик Фернандо Торрес ва франциялик Зинедин Зиданга тенглашди.
Дания терма жамоаси ғалабани қўлдан бой бермасликка ҳаракат қилди. Ўйиннинг 34-дақиқасида даниялик Мортен Юльманнинг узоқдан тепган тўпига инглизлар дарвозабони Жордан Пикфорд қаршилик кўрсата олмади.
Учрашувда жамоалар 1:1 ҳисобида дуранг ўйнашди.
Эслатиб ўтамиз, аввалроқ мазкур гуруҳдан Словения ва Сербия терма жамоаларини 1:1 ҳисоби қониқтирганди.
