Елена Рибакинанинг WТА жаҳон рейтингидаги ўрни маълум бўлди
Аёллар теннис ассоциацияси (WТА) Штутгартдаги (Германия) турнирнинг асосий тўр баҳслари бошланишидан олдин жаҳон рейтингининг жорий версиясини тақдим этди, деб хабар беради Kazinform Sports.kzга таяниб.
Дунёнинг биринчи рақамли теннисчиси беларуслик Арина Сабаленка бўлиб қолмоқда, иккинчи ўринда польшалик Ига Швентек, учинчи ўринда эса америкалик Жессика Пегула.
Қозоғистоннинг энг кучли вакили Елена Рибакина ҳамон ўнинчи ўринни эгаллаб турибди. Эслатиб ўтамиз, Рибакина “Штутгарт”нинг амалдаги чемпиони, бироқ бу йил турнирда иштирок этмайди. Бу шуни англатадики, мусобақа якунланганидан кейин Елена рейтинг очколарини йўқотади ва кучли 10таликни тарк этади.
Қозоғистоннинг иккинчи ўйинчиси Юлия Путинцева ҳамон 23-ўринни эгаллаб турибди.
Жуфтликлар рейтингида чехиялик спортчи Катержина Синякова пешқадамлик қилмоқда, америкалик Тейлор Таунсенд ва янги зеландиялик Эрин Роутлифф учинчи ўринда.
Жуфтлик баҳсларида Қозоғистон вакиллари ўз позицияларини ўзгартирмадилар: Анна Данилина – 18-ўрин, Путинцева – 75-ўрин, Жибек Қуламбаева – 162-ўрин.
