Елена Рибакинанинг Вашингтон турниридаги рақиби маълум бўлди

ASTANА. Кazinform – Қозоғистоннинг биринчи ва дунёнинг 12-ракеткаси Елена Рибакина Вашингтон (АҚШ) WТА 500 турнирида 18 ёшли канадалик Виктория Мбоко билан куч синашади.

Дунё рейтингида 88-ўринни эгаллаб турган В.Мбоко турнирнинг биринчи даврасида дунёнинг 42-ракеткаси, россиялик Анастасия Потаповани 6:2, 6:4 ҳисобида мағлуб этди. Шу тариқа, канадалик теннисчи иккинчи даврага йўл олди ва турнирнинг 3-ракеткаси сифатида қайд этилган Е.Рибакинага рақиб бўлди.

Яна бир қозоғистонлик, дунёнинг 43-ракеткаси Юлия Путинцева биринчи даврада “Катта дубулға” турнирларининг беш карра чемпиони, япониялик, яккалик баҳсларида 51-ўринни эгаллаб турган Наоми Осака билан куч синашади.

Тўрт йиллик танаффусдан сўнг теннисга қайтган 40 ёшли Галина Воскобоева россиялик Камилла Раҳимова билан биргаликда жуфтликлар баҳсида америкалик Кэролайн Доулхайд – Софья Кениндан устун кела олмади – 5:7, 3:6.

Шунингдек, дунё рейтингида 218-ўринни эгаллаб турган қозоғистонлик Бейбит Жуқаев Вашингтон АТР 500 турнирининг биринчи даврасида дунё рейтингида 39-ўринни эгаллаб турган франциялик Александр Мюллерга имкониятни бой бериб қўйди – 4:6, 4:6.

Эслатиб ўтамиз, Бейбит Вашингтондаги саралаш босқичларидан муваффақиятли ўтиб, илк бор асосий турнирга йўлланма олди.