Елена Рибакина WТА 1000 турнири чорак финалига йўл олди

ASTANA. Kazinform - Дубай WТА 1000 турнирининг учинчи даврасида Елена Рибакина (7 WТА) Испания вакили Паула Бадосани (10 WТА) мағлуб этди. Бу ҳақда Kazinform агентлиги Қозоғистон теннис федерациясига таяниб хабар беради.

25 ёшли қозоғистонлик қийин кечган баҳсда 4:6, 7:6 (10:8), 7:6 (7:2) ҳисобида ғалаба қозонди. Иккинчи сетда Елена тай-брейкда 3:6 ҳисобида мағлуб бўлаётган бўлса-да, тўртта матчбол очкосини ишлади ва 10:8 ҳисобида ғалаба қозонди. Рақиблар ўртасидаги шахсий учрашувларда ҳисоб тенглашди - 4:4.

Пайшанба куни Рибакина америкалик София Кенинга қарши ўйнайди, у кутилмаганда ушбу турнирнинг ўтган йилги чемпиони италиялик Жасмин Паолини мағлуб этди.

Эслатиб ўтамиз, аввалроқ Елена Рибакина Дубай турнирини ғалаба билан бошлагани ҳақида хабар берган эдик.