Елена Рибакина Страсбург турнирининг чорак финалига йўл олди

ASTANА. Кazinform — Қозоғистоннинг биринчи, дунёнинг 12-ракеткаси Елена Рибакина Страсбург (Франция) WТА 500 турнирини ғалаба билан бошлади.

Турнирнинг 4-ракеткаси сифатида қайд этилган қозоғистонлик теннисчи биринчи даврада дунё рейтингида 42-ўринни эгаллаб турган хитойлик Ван Синьюй билан учрашди.

Биринчи сетда Рйбакина икки марта брейк қилди ва ҳеч қандай муаммосиз ғалаба қозонди – 6:1.

Қизиқарли курашлар остида ўтган иккинчи сетда ҳисоб 3:3 бўлганида, Елена брейк қилди. Кейин эса учрашувни навбатдаги брейк билан якунлади – 6:3.

Бир соату 4 дақиқа давом этган ўйинда Рибакина 10 та брейк-пойнтдан 4 тасини, 6 та эйсни фойдаланди. Синьюй 2 та эйс билан чекланди.

Ўйиндан сўнг берган интервьюсида қозоғистонлик теннисчи Ролан Гаррос турнири арафасида муваффақиятли ўйнашга ҳаракат қилишини айтди.

Елена Рибакина ярим финалга чиқиш учун дунёнинг 33-ракеткаси польшалик Магда Линетга қарши баҳс олиб боради.

М.Линетт иккинчи даврада 41-ўриндаги словакиялик Ребекка Шрамковани мағлуб этди – 6:4, 6:3. Р.Шрамкова биринчи босқичда қозоғистонлик Юлия Путинцевани мағлуб этди.

Соврин жамғармаси 925 661 евро бўлган Страсбург мусобақаси 24 май куни якунланади.Ўтган йили чемпионликни қўлга киритган америкалик Мэдисон Киз бу йил иштирок этмаяпти.

Е.Рибакина 2020 йилда Страсбургда бўлиб ўтган финалга қадар етиб борган ва украиналик Элина Свитолинага ютқазганди – 4:6, 6:1, 2:6. Кейин бу мусобақада иштирок эмаган.

Эслатиб ўтамиз, аввалроқ Ролан Гаррос турнирида Александр Шевченко камбэк эвазига ғалаба қозонгани ҳақида хабар берган эдик.