Елена Рибакина Пекиндаги турнирда Осиё чемпионига қарши ўйнайди

Қозоғистоннинг биринчи, дунёнинг 5-ракеткаси Елена Рибакинанинг Пекинда (Хитой) ўтаётган WТА 1000 турниридаги илк рақиби аниқланди, деб хабар беради Kazinform мухбири.

Қозоғистонлик теннисчи биринчи босқичда дунё рейтингида 23-ўринни эгаллаб турган хитойлик Чжэн Циньвэнь билан куч синашади.

Чжэн Циньвэнь Хитойнинг Ханчжоу шаҳрида ўтказилаётган Осиё ўйинларида теннис бўйича ғолиб бўлди. 29 сентябрь куни у финалда ўзидан ўн поғона пастда жойлашган ҳамюрти Чжу Линни 6:2, 6:4 ҳисобида мағлуб этди. Шунинг учун, 20 ёшли Чжэн Циньвэнь осон чақиладиган ёнғоқ эмас.

30 сентябрь – 8 октябрь кунлари Хитой пойтахтида бўлиб ўтадиган йирик турнирда дунёнинг биринчи ва иккинчи ракеткалари – беларуслик Арина Соболенко, польшалик Ига Швентек бошчилигидаги дунёнинг энг кучли теннисчилари иштирок этади.

Мусобақанинг мукофот жамғармаси 8,1 миллион АҚШ долларидан ошади.

Эслатиб ўтамиз, аввалроқ Александр Недовесов Астана турнирида чорак финалга чиққани ҳақида хабар берган эдик.

Шунингдек, Юлия Путинцева Пекиндаги мусобақанинг саралаш баҳсларини муваффақиятли бошлади.

Муаллиф: Ғайсағали Сейтақ