Елена Рибакина Пекинда дунёнинг биринчи ракеткасига қарши ўйнайди
Қозоғистоннинг биринчи, дунёнинг 5-ракеткаси Елена Рибакинанинг Пекиндаги WТА 1000 турнирининг чорак финалидаги рақиби аниқланди, деб хабар беради Каzinform мухбири.
Беларусь вакили, дунёнинг биринчи ракеткаси Арина Соболенко учинчи босқичда 36-ўринни эгаллаб турган италиялик Ясмин Паолини билан учрашди.
Қарийб бир ярим соат давом этган баҳсда А.Соболенко 6:4, 7:6 (7:4) ҳисобида зафар қучди.
Шундай қилиб, Арина ярим финалга чиқиш учун Елена билан рақобатлашади.
Бунгача рақиблар беш марта тўқнаш келишган, шундан тўрттасида Соболенко ғолиб бўлган.
Жумладан, беларуслик теннисчи бу йил Австралия очиқ чемпионатининг финал босқичида ғалаба қозонган бўлса, кейин Рибакина Цинциннати мастерс мусобақасида реванш олди.
Эслатиб ўтамиз, аввалроқ Елена Рибакина Пекинда россиялик 16 ёшли теннисчини мағлуб этиб, чорак финалга чиққани ҳақида хабар берган эдик.
Шунингдек, Михаил Кукушкин Шанхай мастерс мусобақасининг иккинчи босқичига йўл олди.
Муаллиф: Ғайсағали Сейтақ
