Рибакина 16 ёшли россиялик теннисчини мағлуб этиб, Пекин турнирининг чорак финалига йўл олди

Қозоғистоннинг биринчи ва дунёнинг 5-ракеткаси Елена Рибакина Пекинда (Хитой) бўлиб ўтаётган WТА 1000 турнирининг чорак финалига чиқди, деб хабар беради Kazinform мухбири.

Қозоғистонлик теннисчи учинчи босқичда дунёнинг 60-ракеткаси, россиялик 16 ёшли Мирра Андреевага қарши кортга чиқди.

Ёш теннисчи мачни ғалаба билан бошлади - 6:2. Бироқ иккинчи партияда Е.Рибакина ғалаба қозонди – 6:4.

Учинчи, ҳал қилувчи сетда Елена 5:0 ҳисобида олдинга чиқиб олди ва учинчи мачболни эйс билан якунлади - 6:1.

Бир соату 50 дақиқа давом этган шиддатли баҳсда қозоғистонлик спортчи 10та эйс амалга ошириб, бешта брейк-пойнтдан тўрттасини қўлга киритди. М. Андреева 2 эйс, 3 брейк (9 брейк-пойнт) билан ажралиб турди.

Елена Рибакина ярим финалга чиқиш учун дунёнинг биринчи рақамли теннисчиси беларуслик Арина Соболенко ёки рейтингда 36-ўринни эгаллаб турган италиялик Ясмин Паолини билан рақобатлашади.

 

Муаллиф: Ғайсағали Сейтақ