Елена Рибакина Монреаль турнирининг учинчи босқичига чиқди

ASTANА. Кazinform — Қозоғистоннинг биринчи ва дунёнинг 12-ракеткаси Елена Рибакина Монреаль (Канада) WТА 1000 турнирининг учинчи босқичига йўл олди.

Мусобақани иккинчи даврада бошлаган қозоғистонлик теннисчи дунё рейтингида 50-ўринни эгаллаб турган америкалик Хейли Баптист билан тўқнаш келди.

Бу икки теннисчининг илк учрашуви эди.

Рйбакина ўйинни узоққа чўзмади – 6:4, 6:2. Бир соат 12 дақиқа давом этган учрашувда у 11 та эйс ва 2 та брейк-пойнтни фойдаланди. Баптист 3 та эйс билан ажралиб турса-да, 3 та брейк-пойнтдан фойдалана олмади.

Елена Рйбакина 1/8 финал йўлланмаси учун 52-ўринни эгаллаган руминиялик Жаклин Кристианга қарши кортга чиқади. У дунёнинг 23-ракеткаси, чехиялик Линда Носковани 6:3, 6:4 ҳисобида мағлуб этган эди.

Монреаль турнири 7 август куни якунланади. Ғолиб 752 275 доллардан ташқари 1000 рейтинг очкосига эга бўлади.

Америкалик Жессика Пегула сўнгги икки йил давомида бу турнирда ғалаба қозонган эди.

Эслатиб ўтамиз, аввалроқ Михаил Кукушкин Португалия турнирида россиялик теннисчини мағлуб этгани ҳақида хабар берган эдик.