Елена Рибакина Монреаль турнирининг тўртинчи босқичига чиқди

ASTANА. Кazinform — Қозоғистоннинг биринчи, дунёнинг 12-ракеткаси Елена Рибакина Монреаль (Канада) WТА 1000 турнирининг тўртинчи босқичига йўл олди.

Турнирда 9-ўринни эгаллаб турган қозоғистонлик теннисчи учинчи босқичда 52-ўринни эгаллаб турган руминиялик Жаклин Кристианга қарши кортга чиқди.

Рақиблар бунгача икки марта тўқнаш келишган ва биттадан ғалабага эришган.

Бу сафар биринчи сетда Рибакина Кристианга ҳеч қандай имконият қолдирмади — 6:0.

Қийин иккинчи сетда Елена тай-брейкда вазиятни ўзгартиришга муваффақ бўлди — 7:6 (7:5).

1 соату 23 дақиқа давом этган баҳсда қозоғистонлик спортчи 8 та эйс билан бирга 7 та брейк-пойнтдан 3 тасини қўлга киритди. Кристиан 1 эйс билан чекланди.

— Кристиан кучли рақиб, унга қарши ўйнаш мен учун доим ҳам осон эмас. Айниқса, иккинчи партия қийин кечди, у яхши ўйнади. Бироқ, ғалаба қозонганимдан хурсандман. Вақтингиз оз бўлса-да, ўриндиқларда қолиб, мени қўллаб-қувватлаганингиз учун сизларга раҳмат айтмоқчиман, — деди Рибакина ўйиндан сўнг.

Елена Рибакина чорак финал йўлланмаси учун 35-ўриндаги украиналик Даяна Ястремская билан куч синашади. У учинчи босқичда дунёнинг 11-ракеткаси америкалик Эмма Наварродан устун келди — 7:5, 6:4.

Эслатиб ўтамиз, аввалроқ Елена Рибакина Монреаль турнирининг учинчи босқичига йўл олгани ҳақида хабар берган эдик.