Дунёнинг биринчи ракеткаси Уимблдонда мағлуб бўлди

ASTANA. Kazinform – Лондондаги Уимблдон турнирида ярим финалга чиққан икки теннисчи аниқланди, деб хабар беради Kazinform мухбири.

Мусобақанинг асосий фаворитларидан бири, дунёнинг 1-ракеткаси, Польша вакили Ига Швентек чорак финал вақтида рейтингда учинчи ўринга кўтарилган украиналик Элина Свитолинага имкониятни бой бериб қўйди – 5:7 , 7:6 (7:5), 2:6.

Шунингдек, дунёнинг 4-ракеткаси америкалик Жессика Пегула ва 42-ўриндаги чехиялик Маркета Вондроушова ўртасидаги учрашув ҳам кутилмаган натижа билан якунланди.

Бу ерда чехиялик теннисчи рақибини 6:4, 2:6, 6:4 ҳисобида мағлуб этди.

Шундай қилиб, Э.Свитолина ва М.Вондроушова биринчи ярим финалда куч синашади.

Қолган иккитаси эса чоршанба куни аниқланади. Қозоғистоннинг биринчи, дунёнинг 3-ракеткаси Елена Рибакина чорак финалда 6-ўриндаги тунислик Онс Жабер билан учрашади.

Шунингдек, дунёнинг 2-ракеткаси беларуслик Арина Соболенко рейтингда 18-ўринни эгаллаб турган америкалик Мэдисон Кейсга қарши кортга чиқади.

Муаллиф: Ғайсағали Сейтақ