Доҳадан кейин Дубай турнири: Путинцева Носкова билан иккинчи марта учрашди

ASTANА. Кazinform — Бугун Дубай (БАА) WТА 1,000 турнири бошланади. Соврин жамғармаси 3,6 миллион доллардан ортиқ бўлган ушбу йирик турнир 16-22 февраль кунлари бўлиб ўтади.

Қозоғистоннинг иккинчи, дунёнинг 20-ракеткаси Юлия Путинцева биринчи босқичда дунё рейтингида 33-ўринни эгаллаб турган 20 ёшли чехиялик Линда Носковага қарши ўйнайди.

11 февраль куни қозоғистонлик теннисчи Доҳада ўтган худди шундай турнирнинг иккинчи даврасида Носковага 2:6, 3:6 ҳисобида имкониятни бой берганди.

Путинцева чехиялик спортчи билан жуфтлик баҳсларида ҳам иштирок этади. Уларнинг дастлабки рақиблари — хитойликлар Синьюй Ван – Чжэн Сайсай.

Қозоғистоннинг биринчи ва дунёнинг 7-ракеткаси Елена Рибакина Дубай турнирини иккинчи даврада бошлайди. У дунёнинг 37-ракеткаси, бу йилги Доҳа турнири финалчиси, 2017 йилги “Ролан Гаррос” турнири чемпиони латвиялик Елена Остапенко ёки 63-ўринни эгаллаб турган Моюка Учижима ўйини ғолиби билан беллашади. Япониялик теннисчи Доҳада Юлия Путинцевадан устун келди.

Ўтган йили Дубайда Е.Рибакина чорак финалга қадар етиб борган бўлса, Ю.Путинцева иштирок этмаган.

Эслатиб ўтамиз, аввалроқ Бейбут Жуқаев илк бор жуфтлик баҳсларида челленжер турнири чемпионига айлангани ҳақида хабар берган эдик.