Дмитрий Попко Мексикадаги турнирда чемпион бўлди

ASTANA. Кazinform — Қозоғистонлик теннисчи, дунёнинг 245-ракеткаси Дмитрий Попко Морелия (Мексика) челленжер турнирида ғалаба қозонди.

Қозоғистонлик теннисчи финалда жаҳон рейтингида 95-ўринни эгаллаган ва ушбу турнирнинг 1-ракеткаси Жеймс Даквортга қарши чемпионлик учун кураш олиб борди.

Дакворт биринчи партияда устунлик қилди - 6:1. Шундан сўнг Попко камбэк қилди ва вазиятни ўзгартиришга муваффақ бўлди — 6:2, 6:4.

Бир соат 47 дақиқа давом этган финал баҳсида Д.Попко 8 та эйс билан бирга 6 та брейк-пойнтнинг ярмини фойдаланди. Дакворт 6 та эйс ва 3 та брейк (8 та брейк) билан ажралиб турди.

Шу тариқа, 28 ёшли қозоғистонлик теннисчи спорт фаолиятидаги иккинчи челленжер турнири ғолибига айланди. У 28,4 минг доллар ишлаб топди ва 125 рейтинг очкосини олди.

Д.Попко янгиланган АТР рейтингида 175-ўринга кўтарилиб олди.

Эслатиб ўтамиз, аввалроқ Дмитрий Попко Мексикадаги мусобақанинг финалига чиққанлиги ҳақида хабар берган эдик.