«Диплом билан қишлоққа» дастури доирасида бюджет кредитлари миқдори 2,5 минг БҲМгача оширилади

ASTANA. Kazinform – «Диплом билан қишлоққа» дастури доирасида бериладиган бюджет кредитлари миқдори 2,5 БҲМга етказилади. Бу ҳақда Сенатнинг «Онир» депутатлар гуруҳи йиғилишида Миллий иқтисодиёт вазири ўринбосари Бауиржан Омарбеков маълум қилди, деб хабар беради Kazinform мухбири.

«Диплом билан қишлоққа» дастури доирасида кредитнинг максимал миқдори 1 500 БҲМ бўлиб, ҳозирда уни ошириш чоралари кўриляпти. Яъни, бюджет кредитлари миқдорини 2 000-2 500 БҲМгача, улгуржи тўловни 100 БҲМдан 200 БҲМгача, яъни 2 баробар ошириш бўйича таклифлар йиғиш бўйича топшириқ берилди. Ҳозирда бу йўналишда ишлар олиб бориляпти», - деди вазир ўринбосари.

Шу билан бирга, у қишлоқларнинг инфратузилма масалаларини ҳал этиш воситаларидан бири «Овул - юрт бешиги» лойиҳаси эканини таъкидлади.

«Ушбу лойиҳа 2019 йилдан бери амалга ошириб келиняпти. 2019-2022 йилларда 1 031 қишлоқ аҳоли пунктида 3 700 га яқин лойиҳа амалга оширилди. Бунда жами 326 миллиард тенге сарфланган. 2023-2025 йилларда бюджетдан трансфертларни кўриб чиқиш чоғида ҳар йили 102,2 миллиард тенге ажратилади», - деди Бауиржан Омарбеков.

Муаллиф: Марлан Жиембай