Давлат раҳбари Мудофаа вазири Даурен Қосановни қабул қилди

ASTANА. Кazinform - Президент — Қозоғистон Республикаси Қуролли Кучлари Олий Бош қўмондони Қасим-Жомарт Тоқаев Мудофаа вазирлигининг 2025 йилдаги фаолияти ҳақидаги ҳисоботни тинглади, деб хабар беради Ақорда матбуот хизмати.

Даурен Қосанов:

• армиянинг жанговар тайёргарлиги ва Қуролли Кучларни ривожлантиришнинг устувор йўналишлари ҳақида ахборот берди;
• рақамли технологияларни жорий этиш, ҳарбий-ватанпарварлик таълими, шунингдек, мудофаа инфратузилмасини такомиллаштириш чоралари ҳақида ахборот берди;
• Президентнинг Қуролли Кучларда тартиб ўрнатиш бўйича топшириғини бажариш жараёни ҳақида маълум қилди.

Олий Бош қўмондон вазирга армиянинг жанговар тайёргарлиги даражасини ошириш, ҳарбий ва ҳуқуқий тартибни мустаҳкамлаш бўйича аниқ вазифаларни юклади.

Эслатиб ўтамиз, Президент Молиявий мониторинг агентлиги раиси Жанат Элимановни қабул қилди.