Давлат раҳбари Болгария Президентини Озод этиш куни билан табриклади

ASTANA. Kazinform - Президент Қасим-Жомарт Тоқаев Болгария Президенти Румен Радевга мамлакат миллий байрами муносабати билан табрик телеграммаси йўллади, дея хабар беради Kazinform агентлиги Ақорда матбуот хизматига таяниб.

Қозоғистон Президенти Қасим-Жомарт Тоқаев ўз мактубида анъанавий дўстлик ва ўзаро манфаатли ҳамкорликка асосланган икки томонлама муносабатлар янада мустаҳкамланишига ишонч билдирди.

Қасим-Жомарт Тоқаев Румен Радевга масъулиятли давлат хизматида муваффақиятлар, дўст Болгария халқига эса фаровонлик ва қут-барака тилади.

Эслатиб ўтамиз, аввалроқ ҚР Президенти “Туркистон шаҳрининг алоҳида мақоми тўғрисида”ги қонунни имзолагани ҳақида хабар берган эдик.