Бугун Лондонда Уимблдон турнири бошланади
ASTANA. Kazinform - Бугун Буюк Британия пойтахти Лондонда теннис бўйича Уимблдон турнирининг илк учрашувлари бўлиб ўтади.
Қозоғистондан биринчи бўлиб жаҳоннинг 33-ракеткаси Юлия Путинцева иштирок этади.
Юлия Путинцва ўтган йили ўша вақтдаги дунёнинг 1-ракеткаси, польшалик Ига Швентекни мағлубиятга учратиб, фаолиятида илк бор тўртинчи босқичга чиқди.
Қозоғистонлик теннисчининг бу йилги рақиби - дунёнинг 12-ракеткаси, америкалик Аманда Анисимова.
Қозоғистоннинг биринчи ва дунёнинг 11-ракеткаси Елена Рибакина эртага биринчи босқичда 49-ўринни эгаллаб турган арманистонлик Элина Аванесянга қарши кортга чиқади.
Маълумки, Е.Рибакинанинг "Катта дубулға" мусобақаларидаги энг катта муваффақияти "Уимблдон" билан боғлиқ. У 2022 йилда чемпион бўлган, бироқ ўтган йили ярим финалда чехиялик Барбора Крейчиковага имкониятни бой берганди. Кейинчалик Б.Крейчикова ғолиб бўлди.
Қозоғистонлик эркаклар мусобақада 1 июлда иштирок этади. Қозоғистоннинг етакчи теннисчиси Александр Бублик испаниялик Хайме Муньяр, Александр Шевченко америкалик Рейли Опелка, Бейбут Жуқаев эса италиялик Флавио Коболли билан куч синашади.
Ўтган йили Лондонда А.Бублик учинчи, А.Шевченко эса биринчи даврадан ўта олмади. Б.Жуқаев эса илк бор Уимблдоннинг асосий тўр баҳсида иштирок этади.
Қозоғистоннинг жуфтлик баҳсларида биринчи, дунёнинг 8-ракеткаси Анна Данилина "Уимблдон"да чехиялик Мари Боузкова билан куч синашади. Бунгача М.Боузкова билан жуфтлик ҳосил қилган қозоғистонлик теннисчи Истбурнда ғалаба қозонган эди.
Шунингдек, Ю. Путинцева жуфтлик баҳсларида америкалик Питон Стирнс билан, А.Бублик эса Ф.Коболли билан куч синашади. Қозоғистонлик бошқа теннисчилар жуфтлик баҳсларида қатнашмайди.
Эслатиб ўтамиз, аввалроқ Анна Данилинанинг Буюк Британиядаги турнирдаги муваффақияти ҳақида ёзган эдик.
Сербияда теннис бўйича ўтказилган турнирда Жибек Қуламбаева ҳам ўзини кўрсатди.
Анна Данилина жаҳон рейтингида 8-ўринга кўтарилди.
