Бублик Европада яна бир мусобақада иштирок этади
ASTANА. Кazinform — 21—27 июль кунлари Кицбюэль (Австрия) гил кортларида бўлиб ўтадиган АТP 250 турнирига қуръа ташлаш маросими бўлиб ўтди.
Қозоғистоннинг етакчи теннисчиси Александр Бублик ушбу мусобақада биринчи ракетка сифатида қайд этилган.
Турнирни иккинчи даврада бошлайдиган Бублик дунёнинг 115-ракеткаси португалиялик Жайме Фария ёки рейтингда уч поғона пастроқда жойлашган аргентиналик Тьяго Агустин Тиранте ўртасидаги баҳс ғолибига қарши кортга чиқади.
Яна бир қозоғистонлик, дунёнинг 101-ракеткаси Александр Шевченко биринчи даврада 122-ўринни эгаллаб турган колумбиялик Даниэль-Элай Галанга қарши кортга чиқади.
Қозоғистонлик теннисчилар чорак финалга чиқса, ўзаро тўқнаш келишади.
Бугун Гштаадда (Швейцария) якунига етган турнирда А.Бублик спорт фаолиятида илк бор гил корт турнирида чемпион бўлди. Ушбу турнирнинг иккинчи даврасида А.Бублик ҳамюрти А.Шевченкони 6:2, 6:3 ҳисобида осонликча мағлуб этди.
Айни пайтда ATP Live рейтингида 30-ўринни эгаллаб турган Бублик Австрияда муваффақиятли ўйнаса, ўз кўрсаткичини яхшилаши мумкин.
Эслатиб ўтамиз, аввалроқ Александр Шевченко Швейцария турнирида ҳамюртига қарши ўйнаши ҳақида хабар берган эдик.
