Бейбит Жуқаев Франциядаги турнирнинг 1/8 финалига чиқди

ASTANА. Кazinform – Қозоғистонлик теннисчи, дунёнинг 213-ракеткаси Бейбит Жуқаев Тьонвиль (Франция) челленжер турнирини ғалаба билан бошлади.

Қозоғистонлик теннисчи биринчи даврада дунё рейтингида 243-ўринни эгаллаб турган германиялик Макс Ганс Ребергни мағлуб этди.

Биринчи партияда Бейбит тай-брейкда муваффақиятли ўйнади - 7:6 (7:4). Иккинчи сетда тезлигини янада оширди - 6:1.

Бир соат 16 дақиқа давом этган баҳсда Б.Жуқаев 16 та эйс амалга оширди ва 4 та брейк-пойнтнинг иккитасидан фойдаланди.

Бейбит Жуқаев чорак финалга чиқиш учун жаҳон рейтингида 171-ўринни эгаллаб турган канадалик Лиам Драксль билан куч синашади. У қарийб уч соат давом этган кескин баҳсда 299-ўринни эгаллаб турган норвегиялик Николай Будковни 6:4, 6:7 (10:12), 6:4 ҳисобида мағлуб этди.

Соврин жамғармаси 91 250 еврони ташкил қилувчи Тьонвиль турнири 9 март куни якунланади.

Эслатиб ўтамиз, аввалроқ Аҳмади Мақанов Швециядаги супертурнир чемпиони бўлгани ҳақида хабар берган эдик.