Баҳорда Астанадан Самарқандга транзит рейси йўлга қўйилади
ASTANA. Kazinform - 2025 йил 1 майдан QAZAQ AIR Астанадан Самарқандга янги йўналиш очади. Бу йўналиш Туркистон орқали қулай транзит орқали амалга оширилади, дея хабар беради Kazinform ҚР Транспорт вазирлиги матбуот хизматига таяниб.
Эндиликда йўловчилар нафақат дунёнинг энг қадимий шаҳарларидан бирига тез етиб боришлари, балки Қозоғистоннинг маънавий-тарихий маркази – Туркистонда ҳам вақт ўтказишлари мумкин.
Астана-Самарқанд рейси ҳафтасига икки марта пайшанба ва якшанба кунлари амалга оширилади.
Парвоз жадвали:
Пайшанба кунлари:
- IQ369 Астана 16:15 – Самарқанд 20:00
- IQ510 Самарқанд 21:00 – Астана 01:30
Якшанба кунлари:
- IQ369 Астана 07:25 – Самарқанд 11:00
- IQ510 Самарқанд 12:00 – Астана 15:30
Бундан ташқари, пайшанба ва якшанба кунлари Туркистон-Самарқанд рейси ҳам мавжуд.
Пайшанба кунлари:
- Туркистон 19:10 – Самарқанд 20:00
- Самарқанд 21:00 – Туркистон 21:50
Якшанба кунлари:
- Туркистон 10:10 – Самарқанд 11:00
- Самарқанд 12:00 – Туркистон 13:00
Қозоғистоннинг QAZAQ AIR авиаташувчиси Канадада ишлаб чиқарилган замонавий De-Havilland Dash 8-Q400 самолётларида парвозларни амалга оширади.
Эслатиб ўтамиз, аввалроқ Чимкент ва Қоҳира шаҳарларини тўғридан-тўғри рейс боғлаши хабар қилинганди. Қарағандидан Истанбулга тўғридан-тўғри рейс очилади.
