Аргентина президенти Хавьер Милей “фирибгарликда” айбланди
ASTANA. Kazinform – Милей устидан 100 дан ортиқ шикоятлар келиб тушган, деб ёзади ТАСС.
Шикоятларда “президент фирибгарлик қилгани” ва уни қонунбузарлик, фитна ва бошқа жиноятларда айблагани айтилади.
Ижтимоий тармоқларда криптовалюталарнинг фирибгарлик схемасини тарғиб қилганлик учун Аргентина президенти Хавьер Милейга қарши 100 дан ортиқ даъво аризалари топширилди. Ишларни кўриб чиқиш учун прокурор Эдуардо Тайано ва судья Мария Cервини тайинланган.
14 февраль куни Милей Х сайтида криптовалюта орқали Аргентинадаги кичик бизнесга сармояларни жалб қилишга ёрдам берадиган лойиҳа ҳақида маълумот эълон қилди. Ижтимоий тармоқларда танқидга учрагач, президент лойиҳа тафсилотларидан хабардор эмаслигини айтиб, постни ўчириб ташлади.
Бироқ 15 февраль куни президент идораси тарқатган баёнотда айтилишича, Милей лойиҳани муҳокама қилиш учун лойиҳага алоқадор одамлар билан камида икки марта учрашган.
Президентнинг биринчи баёноти билан бир вақтда ишга тушган лойиҳада фойдаланилган криптовалюта нархи 5 долларгача кўтарилган, кейин пасайиб, 1 доллардан ҳам пастга тушди.
Криптовалюта эгалари қисқа вақт ичида миллионлаб доллар ишлаб олди. Президентнинг баёнотидан кейин мухолифат уни турли жиноятларда, жумладан, бепарволик, пул ювиш, давлат хизматчисига тўғри келмайдиган ҳаракатларда айблай бошлади. “Ватан учун иттифоқ” партиясидан бир гуруҳ депутатлар Милейга қарши импичмент эълон қилишни тавсия этишларини айтишди.
Эслатиб ўтамиз, 2024 йилнинг июнь ойида Аргентина президентининг ислоҳотларига қарши намойишлар бўлган эди, унинг оҳири тўқнашувларга айланди. Буэнос-Айрес полицияси қонунчиликдаги ўзгаришлар муҳокама қилинаётган Миллий Конгресс биноси яқинида Аргентина президенти Хавьер Милей ислоҳотларига қарши намойишларни тарқатиш учун кўздан ёш оқизувчи газ ва сув пуркагичлардан фойдаланди.
