Анна Данилина жаҳон рейтингида рекорд натижага эришди

ASTANA. Kazinform — Аёллар теннис ассоциацияси (WТА) яккалик ва жуфтлик баҳсларида янгиланган рейтингни эълон қилди.

Сербиялик Александра Крунич билан “Ролан Гаррос” турнирининг финалига қадар етиб борган Қозоғистоннинг жуфтлик баҳслари етакчиси Анна Данилина ушбу муваффақият эвазига жаҳон рейтингида 17-ўриндан 9-ўринга кўтарилди.

Бу унинг рекорд натижаси ҳисобланади. Бунгача Анна 10-ўриндан юқорига кўтарилмаган эди.

Юлия Путинцева жуфтлик баҳсларида 73-рақамдан 64-га кўтарилган бўлса, Жибек Қуламбаева 115-дан 128-га тушиб кетди.

Яккалик баҳсларида қозоғистонлик етакчи теннисчи Елена Рибакина 11-ўринда қолди, Юлия Путинцева эса 31-ўриндан 27-ўринга кўтарилди.

Зарина Дияс 276 дан 280 га тушди, Жибек Қуламбаева эса 309 дан 306 га кўтарилди.