Анна Данилина илк марта дунёнинг кучли теннисчилари ўнталигига кирди

ASTANA. Kazinform - Қозоғистонлик Анна Данилина биринчи марта жуфтлик баҳсларида дунёнинг кучли теннисчилари ўнталигига кирди, деб хабар бермоқда Kazinform мухбири.

Қозоғистон теннис федерацияси хабар беришича, А.Данилина бугун янгиланган жаҳон рейтингида 11-ўриндан 10-ўринга кўтарилган.

Бу унинг спортдаги шахсий рекордидир.

А.Данилина ҳиндистонлик Саня Мирза билан биргаликда бугун Аделаида-2 (Австралия) WТА 500 турнирининг биринчи даврасида ушбу мусобақанинг биринчи ракеткалари чехиялик Б.Крейчикова ва австралиялик С.Сандерс билан баҳс олиб борди.

Қизиқарли кечган дастлабки ўйинда Қозоғистон-Ҳиндистон жуфтлиги устун келди – 6:3. Иккинчи сетда эса рақиблар 6:3 ҳисобида зафар қучди. Супер тай-брекда Б.Крейчикова ва С.Сандерс ғалаба қозонди – 10:6.

Энди А.Данилина С.Мирза билан бирга йилнинг асосий турнирларидан бири – Австралия очиқ чемпионатида иштирок этади.

Муаллиф: Ғайсағали Сейтақ

Фото: Қозоғистон теннис федерацияси