Анна Данилина Доҳадаги мусобақанинг чорак финалига йўлланма олди

ASTANA. Kazinform - Қозоғистоннинг жуфтлик баҳсларидаги биринчи ва дунёнинг 19-ракеткаси Анна Данилина Доҳа (Қатар) WТА 1000 турнирининг чорак финалига чиқди.

Мусобақанинг 7-ракеткаси Анна Данилина – россиялик Ирина Хромачева иккинчи даврада япониялик Сюко Аояма – Эри Ходзуми билан куч синашди.

Дастлабки ўйинда Қозоғистон-Россия жуфтлиги 6:4 ҳисобида ғалаба қозонди.

Иккинчисида япониялик дуэт бир хил – 6:4 ҳисобида зафар қучди.

Супер тай-брейкда Данилина - Хромачева муваффақиятли ўйнади - 10:6.

Бир соату 46 дақиқа давом этган шиддатли баҳсларда иккаласи ҳам 1 тадан эйс амалга оширди ва 10 та брейк-пойнтдан 4 тасини ўтказиб юбормади. Японлар 11 та брейк-пойнтдан тўрттасини ишлатдилар.

Ярим финалга чиқиш учун Анна Данилина – Ирина Хромачева россияликлар Мирра Андреева – Диана Шнайдер билан беллашади.

Қозоғистоннинг биринчи, дунёнинг 7-ракеткаси Елена Рибакинанинг яккалик баҳсларида рақиби аниқ бўлди. Чорак финалда Е.Рибакина дунёнинг 2-ракеткаси, Польша вакили Ига Швентек билан куч синашади.

Эслатиб ўтамиз, аввалроқ Елена Рибакина Доҳа турнирининг чорак финалига чиққани ҳақида ёзган эдик.