Анна Данилина Доҳа турнирининг 1/8 финалига йўл олди

ASTANА. Кazinform – Қозоғистоннинг жуфтлик баҳсларидаги биринчи ва дунёнинг 19-ракеткаси Анна Данилина Доҳа (Қатар) WТА 1000 турнирининг иккинчи босқичига йўл олди.

Турнирнинг 7-ракеткалари сифатида қайд этилган А.Данилина ва россиялик Ирина Хромачева илк давра учрашувида словакиялик Тереза Михаликова ва британиялик Оливия Николлсни мағлубиятга учратди.

Қозоғистон-Россия жуфтлиги биринчи сетда 7:5 ҳисобида зафар қучган бўлса, иккинчи сетда ҳам ўз суръатини давом эттирди – 6:4.

Бир соату 38 дақиқа давом этган ўйинда Данилина ва Хромачева 11 та брейк-пойнтдан учтасини, иккита эйсдан фойдаланишди. Михаликова - Николлс 1 эйс, 1 брейк (5 та брейк) дан ошиб кета олмади.

Анна Данилина – Ирина Хромачева чорак финалга чиқиш учун япониялик Сюко Аояма – Эри Ходзуми жуфтлиги билан беллашади.

Елена Рибакинанинг Доҳадаги яккалик баҳсларидаги рақиби малум бўлди. Қозоғистонлик теннисчи иккинчи даврада 47-ўринни эгаллаб турган америкалик Пейтон Стирнсга қарши кортга чиқади. Америкалик спортчи ўзининг дастлабки учрашувида дунёнинг 49-ракеткаси украиналик Даяна Ястремскаяни 7:5, 6:3 ҳисобида мағлуб этди.

Эслатиб ўтамиз, аввалроқ Юлия Путинцева Доҳадаги йирик мусобақани ғалаба билан бошлагани ҳақида хабар берган эдик.