Анна Данилина Буюк Британия турнирининг ярим финалига йўл олди

ASTANA. Kazinform – Қозоғистоннинг жуфтлик баҳсларида биринчи, дунёнинг 9-ракеткаси Анна Данилина Истбурн (Буюк Британия) шаҳрида ўтказилаётган WТА 250 турнирининг ярим финалига йўл олди.

Қозоғистонлик теннисчи чехиялик Мари Боузкова билан биргаликда чорак финалда британиялик Жоди Бёррэдж - Сонай Картал жуфтлигига қарши чиқди.

Данилина ва Боузкова 6:4, 7:6 (7:1) ҳисобида зафар қучди. Бир ярим соатдан кўпроқ давом этган ўйинда улар 1 эйс билан бирга 12 та брейк-пойнтнинг иккитасидан фойдаланишди.

Анна Данилина ва Мари Боузкова финалга чиқиш учун мезбонлар Хэрриет Дарт - Майя Лумсден билан беллашади. Бу дуэт чорак финалда турнирнинг 2-ракеткалари япониялик Эри Ходзуми ва индонезиялик Алдила Сутжиадини 6:1, 6:4 ҳисобида мағлуб этди.