Алматиликларнинг ўртача маоши 470 минг тенгени ташкил қилади

ALMATY. Кazinform - Алматиликларнинг ўртача ойлик маоши 6,1 фоизга ошди. Бу ҳақда шаҳар Иқтисодиёт бошқармаси бошлиғи Дастан Умирбаев маслиҳат сессиясида маълум қилди.

- Ноябрь ойида Алмати шаҳрида йиллик инфляция 9,0 фоизгача пасайди. Йил якунларига кўра, инфляция 8,5 фоизгача, 2025 йилда эса 7,5 фоизгача пасайиши мумкин, - деди у.

Унга кўра, Алмати шаҳрида ўртача ойлик даромад 6,1 фоизга ошиб, 470 минг тенгега етган.

– Шаҳар иқтисодиётининг кейинги 5 йилдаги ўртача йиллик ўсиш суръати 5,8 фоизни ташкил этади. Бу Алматининг ялпи ҳудудий маҳсулотини жорий йилдаги 28,2 триллион тенгедан 2029 йилда 47,4 триллион тенгега ошириш имконини беради. Умуман олганда, жорий йилда шаҳар иқтисодиётининг ўсиши 5,5 фоиз даражасида кутилмоқда. 2025 йилда иқтисодий ўсиш 6,4 фоизни ташкил этади, - деди бошқарма бошлиғи.

Эслатиб ўтамиз, Қозоғистонда ўртача иш ҳақи 16 фоизга ошиб, 400 минг тенгега яқинлашгани ҳақида ёзган эдик.