Алмати ёшларига қандай ёрдам кўрсатилади

ASTANA. Кazinform - Алматида ётоқхона қурилиши бўйича лойиҳа бюроси ташкил этилди, у орқали 5 минг ўринга мўлжалланган 27 та янги объект қурилади. Бу ҳақда шаҳар ҳокими Ерболат Досаев маълум қилди, деб хабар беради Kazinform мухбири.

«Давлатимиз раҳбари ёшларни қўллаб-қувватлашга алоҳида эътибор қаратмоқда. Шу билан бирга, йил бошидан буён 4,9 минг нафар ёшлар иш билан таъминланди, 3,8 минг нафар ёшлар тегишли касбга қайта ўқитилди, шаҳарда касбга йўналтириш маркази очилди. Амалдаги касблар бўйича 4 та қисқа муддатли курслар ишга туширилди ва QR орқали фойдаланиш мумкин бўлган рақамли бандлик платформаси ишлаб чиқилди», — деди шаҳар ҳокими марказий коммуникациялар хизматида.

Унга кўра, шаҳарнинг барча туманларида ёшларнинг комьюнити-марказларини очиш учун 8 та объект белгиланган.

Концепциялар тайёрланиб, молиялаштириш масаласи ҳал қилинди.

Талабалар турар жойини қуриш бўйича лойиҳа бюроси ташкил этилиб, 5 минг ўринга мўлжалланган 27 та янги объект қуриш учун 99 нафар хусусий инвестор жалб этилди.

Муаллиф: Айжан Серикжанқизи