Александр Шевченко Ролан Гаррос турнирининг кейинги босқичига йўл олди

ASTANA. Kazinform – Қозоғистоннинг иккинчи, дунёнинг 103-ракеткаси Александр Шевченко Париждаги “Ролан Гаррос” турнирининг иккинчи босқичига йўл олди.

Қозоғистонлик теннисчи саралаш турнирининг финалида мағлуб бўлган, аммо кейинроқ асосий тўрга таклифнома олганди.

Бу имкониятдан А.Шевченко унумли фойдаланди. У биринчи даврада жаҳон рейтингида 125-ўринни эгаллаб турган сербиялик Душан Лайовични мағлуб этди.

Қозоғистонлик спортчи 6:2, 6:4, 7:6 (7:4) ҳисобида зафар қучди.

Александр Шевченко кейинги босқичда дунёнинг 17-ракеткаси болгариялик Григор Димитров ёки 106-ўринни эгаллаб турган америкалик Итан Куинга қарши кортга чиқади.