Александр Бублик Штутгарт турнирини иккинчи даврадан бошлайди

ASTANА. Кazinform - Қозоғистоннинг биринчи, дунёнинг 17-ракеткаси Александр Бублик 10-16 июнь кунлари бўлиб ўтадиган Штутгарт (Германия) ATP 250 турнирида иштирок этади.

Қозоғистоннинг етакчи теннисчиси ушбу мусобақада 3-ракетка сифатида қайд этилди. Шу боисдан ҳам дарҳол иккинчи даврага йўл олган А.Бублик дунёнинг 42-ракеткаси венгриялик Фабиан Марожан ёки дунё рейтингида 135-ўринни эгаллаб турган сербиялик Ҳамад Меджедович билан учрашади.

Штутгартда жаҳон рейтингида 4-ўринни эгаллаган, бу йилги Ролан Гарроснинг финалчиси, германиялик Александр Зверев 1-ракетка сифатида қайд этилди. Ўтган йили бу ерда америкалик Фрэнсис Тиафо ғалаба қозонган, бироқ А.Бублик иштирок этмаган. Шу боис у бу йил муваффақиятли иштирок этса, қозоғистонлик теннисчи рейтингда кўтарилиши ҳам мумкин.

Бугунги янгиланган ATP рейтингида А.Бублик - 17-ўрин, Александр Шевченко 59-ўринни сақлаб қолди. Михаил Кукушкин 136-ўриндан 135-ўринга кўтарилди, Денис Евсеев 167-ўриндан 171-ўринга, Бейбит Жуқаев 171-ўриндан 193-ўринга, Тимофей Скатов 199-ўриндан 234-га тушди. Бошқа томондан, Дмитрий Попко 244-ўриндан 231-га кўтарилди.

Эслатиб ўтамиз, аввалроқ Елена Рибакина жаҳон рейтингида ўз ўрнини сақлаб қолгани ҳақида хабар берган эдик.