Александр Бублик Мюнхендаги турнирга йўлланма олди

ASTANA. Kazinform — Қозоғистоннинг биринчи, дунёнинг 76-ракеткаси Мюнхенда (Германия) АTP 500 турнири саралаш босқичини муваффақиятли якунлади.

Қозоғистонлик теннисчи саралаш турнири финалида дунё рейтингида 546-ўринни эгаллаб турган 17 ёшли германиялик Диего Дедура-Паломеро билан куч синашди. Ҳар икки сет 6:3 ҳисобида Бублик фойдасига ҳал бўлди.

Бир соатдан кўпроқ давом этган ўйинда А.Бублик 2 та эйс билан бирга 10 та брейк-пойнтнинг бештасини қўлга киритди. Германиялик спортчи 2 та брейк билан чекланди. Шу тариқа, Александр Бублик 14-20 апрель кунлари бўлиб ўтадиган асосий мусобақага йўлланма олди.