Александр Бублик Мадридда мастерс турнирининг амалдаги чемпионини мағлуб этди

ASTANA. Kazinform - Эркаклар ўртасидаги яккалик баҳсларида Қозоғистоннинг биринчи ракеткаси Александр Бублик (75 АТР) Мадридда бўлиб ўтаётган АТР 1000 серияли турнирининг тўртинчи босқичига чиқди, дея хабар беради Kazinform агентлиги Қозоғистон теннис федерациясига таяниб.

Мусобақанинг учинчи босқичида қозоғистонлик теннисчи дунёнинг еттинчи ракеткаси Андрей Рублевни 6:4, 0:6, 6:4 ҳисобида мағлуб этди. Александр 2002 йилда турнир бошланганидан бери португалиялик Луис Орнадан (2004) кейин ўзининг дастлабки ўйинида эркаклар ўртасидаги амалдаги чемпионни мағлуб этган иккинчи теннисчи бўлди.

Мастерснинг тўртинчи босқичида Бубликнинг рақиби чехиялик Якуб Меншик (23 АТП) ёки америкалик Бен Шелтон (13 АТП) бўлади.

Эслатиб ўтамиз, аввалроқ Қозоғистонда илк бор Virtus теннис бўйича жаҳон чемпионати бўлиб ўтиши ҳақида хабар берган эдик.