Александр Бублик кетма-кет иккинчи марта тупроқли корт турнирининг финалига чиқди

ASTANА. Кazinform — Қозоғистоннинг биринчи ва дунёнинг 30-ракеткаси Александр Бублик Кицбюэль (Австрия) АТP 250 турнири финалига йўлланма олди.

Турнирнинг 1-ракеткаси сифатида рўйхатдан ўтган қозоғистонлик теннисчи ярим финалда рейтингда 103-ўринни эгаллаб турган нидерландиялик Ботик ван де Зандсхулп билан куч синашди.

Дастлабки сетда ҳисоб 3:2 бўлиб турганида Бублик брейк қилди ва кейин ўз имкониятини қўлдан бой бермади – 6:3.

Бироқ иккинчи сетда Зандсхулп 3:0 ҳисобида олдинга чиқиб олди. Бироқ Бублик яна иккита брейк қилди ва якунда ўйинда ғалаба қозонди - 6:4.

Бир соату 19 дақиқа давом этган баҳсда А.Бублик 9 та эйс билан бирга 9 та брейк-пойнтдан 3 тасини фойдаланди. Зандсхулп 2 та эйс ва 1 та брейк (2 та брейк) билан чекланди.

Шу тариқа, қозоғистонлик теннисчи кетма-кет иккинчи бор тупроқли корт турнирининг финалига чиқди. Бир ҳафта олдин у Гштаад(Швейцария) АТР 250 турнирида чемпион бўлган эди.

Александр Бублик финалда рейтингда 100-ўринни эгаллаб турган франциялик Артур Казога қарши чемпионлик учун курашади. A.Kaзo ярим финалда ҳамюрти, дунёнинг 65-ракеткаси Артур Риндеркнештни мағлуб этди – 7:5, 6:3.

А.Бублик Гштаад турнирининг ярим финалида A.Kaзoни мағлуб этди - 6:1, 7:5.

Эслатиб ўтамиз, аввалроқ Елена Рибакина АҚШ турнири ярим финали учун курашиши ҳақида хабар берган эдик.