Александр Бублик Галле турнирининг икки карра чемпионига айланди
ASTANA. Kazinform – Қозоғистоннинг биринчи ва жаҳоннинг 45-ракеткаси Александр Бублик Галледа (Германия) ўтказилган АТР 500 турнири ғолибига айланди.
Қозоғистонлик теннисчи финалда жаҳоннинг 11-ракеткаси россиялик Даниил Медведевга қарши чемпионлик учун кураш олиб борди.
Рақиблар бунгача олти марта тўқнаш келишган ва уларнинг барчасида Медведев ғалаба қозонган.
Бу сафар биринчи сетда ҳисоб 4:3 бўлганида Бублик брейк қилишга муваффақ бўлди - 6:3.
Бублик иккинчи сетдаги тай-брейкда муваффақиятли ўйнади - 7:6 (7:4).
Бир соату 21 дақиқа давом этган учрашувда Бублик 11 эйс билан бирга 4 та брейк-пойнтдан бирини фойдаланди. Медведев 11 эйс билан якун ясади.
Шу тариқа, қозоғистонлик теннисчи ўзининг спорт фаолиятидаги АТР турнирларидаги бешинчи чемпионлигини қўлга киритди. Улар орасида 2023 йилда Галле турниридаги ғолиблиги ҳам бор.
Келаси душанба куни янгиланадиган рейтингда Александр Бублик 30-ўринга кўтарилади.
