Александр Бублик ATP рейтингида ТОП-50 га яқинлашмоқда

ASTANA. Kazinform – Профессионал теннисчилар уюшмаси (ATP) янгилаган рейтингида ўзгаришлар юз берди.

Рим мастерс турнирининг финалига қадар етиб борган италиялик Янник Синнер пешқадамлик мавқеини сақлаб қолди.

Римда чемпионликни қўлга киритган испаниялик Карлос Алькарас германиялик Александр Зверевни ортда қолдириб, иккинчи ўринга кўтарилди.

Италияда бўлиб ўтган Турин челленжер турнирида ғолибликни қўлга киритган қозоғистонлик Александр Бублик 76-ўриндан 51-ўринга кўтарилиб, ТОП-50 га киришга яқин турибди.

А.Бублик жаҳон рейтингида (17) ўзининг энг яхши натижасига ўтган йилнинг 6 май куни эришганди.

А.Бублик 20 май куни Гамбургда (Германия) ATP 500 турнирининг биринчи даврасида дунёнинг 32-ракеткаси франциялик 21 ёшли Жованни Мпетчи Перрикарга қарши баҳс олиб боради.