Аҳмади Мақанов Швецияда супертурнир чемпиони бўлди

ASTANA.Kazinform - Қозоғистонлик теннисчи Аҳмади Мақанов Стокгольмда ўтказилган 14 ёшгача бўлган ўсмирлар ўртасидаги Tennis Europe супертурнирида муваффақият қозонди ва Швеция Қирол кубоги соҳиби бўлди.

Ақтўбе теннис мактаби битирувчиси 13 ёшли А.Мақанов чорак финалда теннис бўйича Европа рейтингида 2-ўринни эгаллаб турган грециялик Рафаэль Пагонисни мағлуб этди – 6:4, 6:2.

Ярим финалда мусобақанинг 4-ракеткаси украиналик Юрий Столяров бронза медалини қўлга киритди – 6:2, 6:4.

Сўнгги баҳсда қозоғистонлик теннисчи теннис бўйича Европа рейтингида 10-ўринни эгаллаб турган франциялик Самуэль Дакасинни 6:2, 6:7, 6:3 ҳисобида мағлуб этди.

Kungens Kanna & Drottningens Pris мусобақаларида 2015 йилда Тимофей Скатов устунлик қилди. Қозоғистонлик спортчи финалда британиялик Жек Дрейперни 6:4, 6:2 ҳисобида мағлуб этди.

Аҳмади Мақанов - Швеция қироли кубогини қўлга киритган биринчи ўйинчи бўлди. Аҳмади ҳозирда Қозоғистон терма жамоаси академиясида машғулот ўтказмоқда.

Швеция қироли кубоги учун Kungens Kanna & Drottningens Pris турнири 1901 йилдан буён ўтказиб келинади.