ЖССТ шошилинч фойдаланиш учун саккизинчи CОVID-19 вакцинасини тавсия қилади
Жаҳон соғлиқни сақлаш ташкилоти мутахассислари фавқулодда фойдаланиш учун CОVID-19 га қарши яна саккизинчи вакцинани тасдиқладилар. ЖССТнинг тегишли рўйхати Ҳиндистоннинг Bharat Biotech компанияси томонидан ишлаб чиқарилган CОVAХИN препарати билан тўлдирилди.
ЖССТ эслатиб ўтадики, COVID-19 учун тасдиқланган вакциналар уларнинг хавфсизлиги ва самарадорлиги бўйича халқаро миқёсда қабул қилинган талабларга мувофиқлигини таъминлаш учун клиник синовларда синчковлик билан синовдан ўтказилади.
«Ушбу қарор пандемияга қарши курашда энг самарали восита бўлган вакциналар мавжудлигини кенгайтиради», - деди ЖССТ Бош директори ўринбосари Марианжела Симао. - Биз сайёрамизнинг бутун аҳолиси ва биринчи навбатда хавф остида бўлган одамлар вакциналар билан таъминланиши учун ҳаракат қилишда давом этишимиз керак, уларнинг аксарияти ҳали ҳам биринчи компонентни кутмоқда.«
Ушбу қарор пандемияга қарши курашда энг самарали восита бўлган вакциналарнинг мавжудлигини кенгайтиради.
CОVID-19 пандемиясига қарши курашиш бўйича мисли кўрилмаган илмий ҳамкорлик туфайли бир қатор вакциналарни тадқиқ этиш, ишлаб чиқиш ва тасдиқлаш рекорд вақт ичида якунланди. Шу билан бирга, ЖССТ таъкидлаганидек, энг қатъий хавфсизлик стандартларига риоя қилинади.
CОVAХИN ни тасдиқлаш учун ЖССТ мутахассислари тақдим этилган маълумотларнинг сифати, препаратнинг хавфсизлиги ва самарадорлигини баҳоладилар. Вакцина инактивацияланган SARS-CоV-2 вируси асосида ишлаб чиқарилади ва ЖССТ эксперт комиссияси маълумотларига кўра, препаратнинг икки дозасидан кейин тўлиқ ҳимоя қилади.
CОVAХИN 18 ёшдан ошган беморларда фавқулодда фойдаланиш учун тавсия этилади. Тадқиқотларга кўра, вакцина иккинчи дозадан икки ҳафта ўтгач, CОVID-19 дан 78 фоиз ҳимоя қилади.
Ҳомиладор аёллар учун CОVAХИNнинг хавфсизлиги ва самарадорлиги масаласи очиқ қолмоқда - бу соҳада етарли тадқиқотлар йўқ.
