Жорий йилда мамлакат иқтисодиётининг ўсиши 3,1 фоизни ташкил этди - вазирлик

NUR-SULTAN. Kazinform – ҚР Миллий иқтисодиёт вазири Алибек Қуантиров Ҳукумат йиғилишида йилнинг 8 ойидаги ижтимоий-иқтисодий ривожланиш кўрсаткичларини тақдим этди, деб хабар беради Kazinform мухбири.

«Жорий йилнинг январ-август ойларида Қозоғистон иқтисодиётининг ўсиш суръати 3,1 фоизни ташкил этди. Реал секторда ўсиш 3,3 фоизни ташкил этди. Хизмат кўрсатиш соҳасида тадбиркорлик фаоллиги 2,3 фоизга ўсди. Тармоқлар орасида қурилиш, ахборот-коммуникация, транспорт ва омборхона, савдо, ишлаб чиқариш, қишлоқ хўжалиги, тоғ-кон саноатида ижобий ўсиш суръатлари кузатилмоқда. Асосий капиталга йўналтирилган инвестициялар ўсиш суръатларининг 5,7 фоизгача тезлашиши кузатилмоқда»

, - деди вазир.

Шунингдек, у давлат бошқаруви ва ижтимоий таъминотга йўналтирилган инвестициялар 2 баравар, таълимга йўналтирилган инвестициялар 59,1%, маъмурий ва ёрдамчи хизматларга йўналтирилган инвестициялар 30,1%, савдога йўналтирилган инвестициялар 21,9%, молия ва суғурта фаолиятига йўналтирилган инвестициялар 20,2 фоизга, кўчмас мулк билан боғлиқ операцияларга йўналтирилган инвестициялар 18,8 фоизга, қурилиш соҳасига йўналтирилган инвестициялар 15,7 фоизга ошганини қайд этди.

«Ҳудудлар ўртасида энг юқори кўрсаткич Чимкент ва Алмати шаҳарларида, шунингдек, Алмати, Қизилўрда ва Ғарбий Қозоғистон вилоятларида кузатилмоқда»

, - деди вазир.

Муаллиф: Есимжан Нақтибай